आई

" आई म्हणजे ऊगवतीचा सूर्य , 

                                 रात्रीचा चंद्र..

आई म्हणजे समुद्राचं खारेपण , 

                                आभाळाचं भारीपण..
    
आई म्हणजे लहानग्याची मस्ती, 

                                पैलवानाची कुस्ती..

आई म्हणजे पाऊस ओलाचिंब,

                                आरशातलं प्रतिबिंब..

आई म्हणजे भरलेला पाण्याचा घडा,

                                प्राजक्ताचा सडा

आई म्हणजे जीवनातला श्वास,

                                सार्‍या जगाहुनी खास

आई म्हणजे शिवबाची जिजाऊ,

                                घायाळ झालेला जटायु

आई म्हणजे विस्तवातली धग, 

                                न संपणारी अंगातली रग

आई म्हणजे आकाशातलं ईंद्रधनु,

                               प्रत्यक्षातली कामधेनू

आई म्हणजे गरीबाची काटकसर,

                               साडीवरली कलाकुसर

आई म्हणजे शेतकर्‍याचं आटलेलं रक्त,

                               विठ्ठलाचा भक्त

आई म्हणजे निरभ्र आकाश,

                               कळेल सर्वांना यथावकाश "
             
                             -©- निरागस